ನಾಗ೦ದಿಗೆ
ಇಡಲು ಕಾವ್ಯ ಬಿಂದಿಗೆ
ಸೋಮವಾರ, ಅಕ್ಟೋಬರ್ 13, 2014
ಬೆಳಕಿನ ಬೆಣ್ಣೆ
ಅಂಬರ ಚುಂಬಿಸಿ
ನೇಸರ ಬಂದ
ಬಣ್ಣದ ಮೊಸರನು ಕಡೆಯುತಲಿ
ಗಿಡಮರ ಕೊರಳಲಿ
ನಾದವ ತುಂಬಿ
ಬಣ್ಣನೆ ಗೀತೆಯ ಹಾಡುತಲಿ
ನಲಿಯುತ ಬಲಿಯುತ
ಬೆಳಕಿನ ಬೆಣ್ಣೆ
ಎದ್ದಿತು ನೀಲಿಯ ಗಡಿಗೆಯಲಿ
ಬೆಣ್ಣೆಯ ಸವಿಯನು
ಸವಿಯುತ ಜೀವಿಯು
ತೊಡಗಲು ದಿನದಾ ನಡಿಗೆಯಲಿ
ಸಂಜೆಯ ಕತ್ತಲು
ಮುತ್ತಲು ಸುತ್ತಲು
ಕರಗಿತು ಬೆಣ್ಣೆಯು ಬೆಡಗಿನಲಿ
ಕತ್ತಲು ಸುರಿಯಿತು
ಕಪ್ಪನೆ ಹಾಲನು
ರಾತ್ರಿಯ ಪಾತ್ರೆಯ ಹಡಗಿನಲಿ
ನವೀನ ಪೋಸ್ಟ್ಗಳು
ಹಳೆಯ ಪೋಸ್ಟ್ಗಳು
ಮುಖಪುಟ
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಪೋಸ್ಟ್ಗಳು (Atom)